Ucqar Astara rayonunda vəziyyət heç də ürəkaçan deyil və İcra hakimi Qəzənfər Ağayevin fəaliyyəti sakinləri, sözün həqiqi mənasında, “boğaza yığıbdır”. İş, hətta o yerə çatıb ki, rayonun uşaq bağçasından da etiraz səsləri ucalmaqdadır!
Belə ki, Suparibağ kənd Uşaq bağçası-Körpələr evinin işçisi İsmayılova Ellada Namik qızı, bağçada baş verən dəhşətli özbaşınalıqlara dözə bilməyib və etiraz səsini ucaldıb.
Onun sosial şəbəkədə gündəmə gətirdiyi məsələnin üzərində ötəri keçmək də olardı. Əgər aşkar faktlar olmasaydı. Ortaya qoyulan video çəkilişlər göstərir ki, sözügedən bağça, bağçadan başqa hər şeyə oxşayır! Müdiriyyət, buranı, öz şəxsi obyektinə çeviribdir; qrupdakı uşaqların sayını olduğundan artıq göstərməklə, ayrılan əlavə ərzaqları mənimsəyir, istədiyi vaxt bağçanı bağlayıb işinin dalıyca gedir...
Bura, uşaqların yox, görünür ki, HARINLARIN BAĞÇASIDIR!.. Müdir Leyla Mirzəyevanın, ən çox da, icra müavini Firəngiz Sadıxovanın və icrabaşı Qəzənfər Ağayevin bağçasıdır!... Uşaqları “qovub” buranı ələ keçiriblər...
Astara İcra hakimi Qəzənfər Ağayevin Humanitar məsələlər üzrə müavini Firəngiz Sadıxovanın müdir təyin etdiyi Mirzəyevə Leyla Gennadi qızının əslində heç ali təhsili də yoxdur və Astara Pedoqoji Kollecini “kompüter” ixtisası üzrə bitirib. Bu qədər özbaşınalıqları da məhz Firəngiz Sadıxovanın birbaşa himayəsiylə edə bilir. Əks halda, Astara Prokuroruna göndərilən açıq sübutların mütləq hüquqi nəticəsi olardı.
Bəli, görüntülər də, qanunsuzluqları aşkar şəkildə isbat edir, görünən dağa bələdçi lazım deyil.
İcra hakiminin müavininin dəstəyilə, uşaqların taleyinin oğurlanması, ruzisinin mənimsənilməsi, görünür ki, Qəzənfər Ağayevin qətiyyən vecinə deyil, onu yalnız pul maraqlandırır.
Əlbəttə, təhsildəki dəyişikliklərdən sonra, bağçalar, yeni yaranan Lənkəran-Astara Regional İdarəsi tabeliyinə verildi. Bundan sonra, vəziyyətin düzələcəyinə ümid yarandığı üçün bu yaxınlarda, quruma şikayət göndərilmişdir. Lakin, maraqlısı budur ki, martın əvvələrində LARTİ-dən gələn “yoxlayıcılar”, nədənsə müdir Leyla Əliyevanın fəaliyyətini araşdırmaq yerinə, onunla əlbir olan işçilərin rəyini soruşublar!...Sonra da təbii ki, “hər şeyin qaydasında olduğu” barədə rəy veriblər....
Beləliklə də, LARTİ də günaha şərik oldu...
P.S.Korrupsiya, büdcədən “qoparmaq”, onsuz da çox pis bir əməldir, amma uşaqlardan “qoparmaq” isə yüz qat betər bir rəzillikdir! Əgər bir insan, yetimin tikəsinə əl uzadırsa, uşaqların payını oğurlayırsa, deməli o, ən “axırıncı” insandır.
Amma bizdən tövsiyyə: məsul məmurlar unutmasınlar ki, yığdığları pullar, bir gün aldığı ahlara çarə ola bilməyəcək!
Dövlətin büdcəsindən ayrılan vəsaiti ələ keçirən, yetimlərin və uşaqların haqqını yeyənlərin boynundan bir gün mütləq “ədalət kəndiri” asılacaqdır!
Hər halda, artıq məsələ, bundan sonra ictimaiyyətin və medianın diqqətində olacaq.
Gəlin, sujeti izləyək: