"Real Madrid"in hücumçusu Kilian Mbappe Çempionlar Liqasının ümumi mərhələsinin 6-cı turunun "Atalanta" ilə oyununda (3:2) aldığı zədə səbəbindən 2024-cü ilin qalan hissəsini buraxa bilər.
Gent.az xarici mediaya istinadla bildirir ki, Kilianın zədəsinin xarakteri hələ müəyyən edilməyib. Lakin qeyd edilir ki, cüzi əzələ diskomfortu olsa belə, fransalı “Rayo Valyekano” ilə növbəti La Liqa oyununu (14 dekabr) və həmçinin Qitələrarası Kubok 2024-ün finalını (18 dekabr) buraxır. Daha ciddi zədə alacağı təqdirdə Mbappe "Sevilya" ilə dekabrın 22-də keçiriləcək La Liqanın final oyununu da buraxacaq.
Bundan əlavə, Mbappe və Vinisius meydanı axsayaraq tərk ediblər. Tibbi müayinə bu gün, dekabrın 11-də baş tutacaq. Bu mövsüm Mbappe bütün turnirlərdə 21 oyunda iştirak edib, 11 qol vurub və iki məhsuldar ötürmə edib.
