Britaniyalı iş adamı, həyat yoldaşı seks işçilərinə göndərilən silinmiş mesajları aşkar etdikdən sonra "iMessage"dəki qeyri-müəyyənliklərin onun boşanmasına səbəb olduğunu iddia edərək "Apple"ı məhkəməyə verib.

Gent.az xarici KİV-ə istinadən xəbər verir ki, iş adamı qadınlarla danışığı bitirdikdən sonra mütəmadi olaraq "iMessages"ı sildiyini, lakin digər bağlı cihazlarda saxlanıldığını iddia edib.

Və bu, sonda onun fahişələrlə əlaqələrinin ifşasına gətirib çıxarıb. Nəticədə nikahının dağıldığını və boşanma nəticəsində xeyli sərvət itirdiyini deyir.
Müsahibədə kişi belə bir fikri ifadə edib ki, "Apple" istifadəçiləri daha aydın şəkildə məlumatlandırmalıdır ki, bir cihazda mesajların silinməsi onların bütün qoşulmuş cihazlarda silinməsinə zəmanət vermir. Bu bəyanatı Rosenblatt hüquq firmasından vəkili Simon Walton da dəstəkləyərək şirkətin öz xidmətlərindən istifadənin nəticələri barədə kifayət qədər məlumat vermədiyini vurğulayıb.

İş adamı boşanma və dəymiş mənəvi ziyana görə itirilən məbləğ üçün "Apple"dan 5 milyon funt sterlinqdən çox (təxminən 10 milyon manatdan çox) təzminat tələb edir. İddia şirkətlərin istifadəçi məlumatlarının məxfiliyini necə idarə etməli olduqları və texnologiya qərarlarından yarana biləcək nəticələrə görə məsuliyyət daşımaları ilə bağlı suallar doğurur.