NBA-nın ilk açıq homoseksual oyunçusu Ceyson Kollins vəfat edib.
Gent.az xəbər verir ki, basketbolçu 47 yaşında dünyasını dəyişib.
Keçmiş NBA ulduzunun ailəsi onun 4-cü mərhələ qlioblastoma — aqressiv beyin xərçəngi səbəbindən vəfat etdiyini açıqlayıb.
Karyerası ərzində 735 müntəzəm mövsüm və 95 pley-off oyununda meydana çıxan Kollins daha çox müdafiə bacarığı və veteran liderliyi ilə yadda qalıb.
O, 2013-cü ildə etdiyi açıqlama ilə NBA-də aktiv karyerası davam edərkən homoseksual olduğunu elan edən ilk oyunçu olub. Bununla yanaşı, Kollins NFL, NHL və MLB kimi Şimali Amerikanın böyük peşəkar idman liqalarında da aktiv karyera zamanı bunu açıq şəkildə bəyan edən ilk kişi idmançı kimi tarixə düşmüşdü.
