Həyatın çətin anlarında və ruh düşkünlüyü yaşadığınız zaman, ilham verən filmlər izləmək gücünüzü bərpa etməyə kömək edə bilər.

Gent.az  sizə ruhlandırıcı və motivasiyaedici beş film təqdim edir:

1. "Sevgi Baş Verir" ("Love Happens")

Məşhur motivasiya kitablarının müəllifi başqalarına itkilərlə necə başa çıxmağı öyrədir, lakin özü hələ də həyat yoldaşının itkisini unuda bilmir. Tale onu florist Eloiza ilə qarşılaşdırır və birlikdə keçmişi buraxmağı və gələcəyi qurmağı öyrənirlər.

2. "Üçüncü Pərdə" ("The Third Act")

Məşhur yazıçı populyarlığını itirir, əlil arabasına məhkum olur və alkoqolizmdən əziyyət çəkir.
Doğma şəhərinə qayıdaraq, keçmişdən qopmağa və sakitlik tapmağa çalışır.
Lakin gözlənilməz insanlar və hadisələr onun həyatını tamamilə dəyişir.

3. "Marta" ("Martha")

Sənədli film, bir hadisənin hər şeyi necə dəyişə biləcəyini və əlləri yanına salmamağın vacibliyini göstərir.
Skandal Marta'nın reputasiyasını məhv edir və o, gözlənilməz vəziyyətə düşür.
Sınaqlar onu həyata və öz gücünə yenidən baxmağa məcbur edir.
Çətinliklərə baxmayaraq, Marta adını bərpa etməyə və karyerasını yenidən qurmağa qərar verir.

4. "İstedadlı Cənab İt" ("The Talented Mr. Dog")

Maraq dolu və enerjili bir qız valideynlərinə kömək etməyə qərar verir. Onların çətin vəziyyətdə olduğunu öyrənən qız, sevimli iti ilə birlikdə mükafatlı beynəlxalq it şousunda iştirak etməyə qərar verir.

5. "Dünyanın Ən Pis İnsanı" ("The Worst Person in the World")

Həyat yolunda çaşqınlıq yaşayan bir qız öz təyinatını anlamağa çalışır. İmpulsiv Julia bir çox işə eyni anda başlayır, lakin heç birini sona çatdıra bilmir. O, gələcəkdə kim olmaq istədiyini və ən əsası - kiminlə olmaq istədiyini anlamağa çalışır.

Bu filmlər həyatın çətin anlarında sizə ilham verərək, yenidən güc toplamağa kömək edəcək.