Süni intellekt artıq əvvəllər yalnız insanlara aid olan sahələrdə də özünü göstərir: tanışlıq tətbiqlərində, emosional dəstəkdə, seks mövzusunda. 

Gent.az xəbər verir ki, çatbotlar ayrılıq mesajları yazmağa kömək edir, insanlara mübahisələr zamanı yol göstərir, istəyə uyğun flört edir və gecə boyu oturub qarşı tərəfi dinləyir. Onlar siqnalları səhv başa düşmür, dava yaratmırlar. Bu isə münasibətlərin necə işlədiyini araşdıran insanları narahat etməyə başlayıb.

Psixoterapevt Devid Pörlün sözlərinə görə, münaqişənin münasibətin təbii hissəsi olduğunu qəbul etmək onu düzgün idarə etməyi öyrənmək üçün vacibdir: “İnsanı yaxınlaşdıran və münasibəti mənalı edən məhz münasibəti bərpa etmək üçün görülən işdir. Münaqişə olmayanda düzəldiləcək bir şey də olmur. Düzəliş olmayanda isə münasibətə bağlı qalmaq üçün səbəb azalır.

İnsan tarixinin böyük hissəsində yaxınlıq fiziki yaxınlıq tələb edirdi. İnsanların bədənləri eyni otaqda olmalı idi. 

Media nəzəriyyəçisi Endrü Makluhan sözlərinə görə, texnologiya bunu addım-addım dəyişdirib: “Ekranlar, platformalar və sistemlər artıq başqa bir insan bədəni olmadan qarşılıqlı əlaqəyə imkan verir. “Biz hətta aramıza şüşə lövhə qoyacaq qədər uzaqlaşmışıq.

Ünsiyyət artıq başqa bir bədən və ya başqa bir iradə tələb etməyəndə, nəsə düzləşir və mənasını itirir. “Bir-birimizdən nə qədər uzaqlaşırıqsa, məna və məmnuniyyətdən də o qədər uzaqlaşırıq. Hazırda gəlib çıxdığımız yer də budur. Gözlənilməz davranan bir insan əvəzinə AI-ni seçmək məntiqli görünür. Həyat doğrudan da çox çətindir. Sosial narahatlıq gerçəkdir və rədd edilmək adamı incidir.

Amma yaxınlıq qarışıqlıqdan, utanc hissindən və üzr istəməkdən yaranır. Öpüş zamanı dişlərin yöndəmsiz şəkildə bir-birinə dəyməsi. Bir anlaşılmazlıq nəhayət aydınlaşanda gələn rahatlıq hissi. Yataqda həqiqətən nə istədiyini deməyin riski. O narahatlığı texnologiya ilə yox edə bilərsən. Ya da insan olaraq qala bilərsən. Həqiqi yaxınlıq  toxunma tələb edir. Bu isə arzunun özüdür.