Sentyabr ayından etibarən keçirilən İsmayıllı, Şəki və Oğuz şəhərlərinin gəncləri arasında təşkil edilən seçim turlarından 15 komanda finala vəsiqə qazanıb.
Gent.az xəbər verir ki, layihənin keçirilməsində əsas məqsəd Azərbaycanın 44 gün müddətində qazandığı zəfəri gənc nəsilə aşılamaq, qəhrəmanlarımızın keçdiyi şərəfli yolu intellekt yolu ilə gənclərimizə çatdırmaq, vətənpərvərlik hisslərinin geniş təbliği, ölkənin tarixini, coğrafiyasını, milli-mənəvi dəyərlərini öyrətməkdən ibarətdir.
Qeyd edildiyi kimi, layihədə əsasən Vətən müharibəsinin iştirakçılarından ibarət komandalar yarışıb. Layihənin final mərhələsində isə müxtəlif regionlardan olan 15-dən artıq komanda Zəfər Kuboku uğrunda mübarizəyə qatılıb. Gərgin mübarizənin sounda III yeri AGMA komandası, II yeri Gəncənin “Mindhunters” komandası və I yeri isə Mingəçevir şəhərinin “CHE” komandası Zəfər kubokunun sahibi olub.
Sonda qaliblərə hədiyyələr təqdim edilərək xatirə foto şəkli çəkilib.