Bu barədə "WABetaInfo" məlumat yayıb.

Gent.az xəbər verir ki, messencer istifadəçilərə fotoşəkilləri orijinal keyfiyyətdə göndərməyə imkan verəcək.

Proqramda bununla bağlı müvafiq işarə yaradılacaq. Bunun sayəsində istifadəçilər göndərərkən görüntünün keyfiyyətini seçə biləcəklər. Qeyd olunub ki, messencerin parametrlərində artıq "ən yaxşı" keyfiyyətdə fotoşəkillər göndərməyə imkan verən seçim var, lakin bu halda belə, təsvirin keyfiyyəti faktiki olaraq itir.

Nəşr "WhatsApp"ın yeni funksiyasını "Android" sistemində işləyən messencerin beta versiyasının yeniləməsi sayəsində aşkar edib. Bu funksiyanın gələcək proqram yenilənməsində əlçatan olacağı gözlənilir.(big.az)