Apple 2026-cı ildə iPhone 18 Pro və Pro Max qabaqcıl smartfonlarının qiymətlərini artırmaq niyyətindədir.
Gent.az bildirir ki, “PhoneArena”nın xəbərinə görə, bu qərar əvvəlki modellərdən daha bahalı olacaq yeni prosessorların istifadəsi ilə bağlıdır.
PhoneArena mənbələri iddia edir ki, 2028-ci ildə Apple ilk dəfə iki nanometrlik A20 Pro çipləri əsasında smartfonlar buraxacaq. Bu prosessorlar hazırkı prosessorlardan 70 faiz baha olacaq və onların qiymətini 50 dollardan 85 dollara qaldıracaq.
Ekapertlər bunun iPhone 18 Pro və Pro Max-ın sələfləri ilə müqayisədə daha yüksək qiymətlərə səbəb olacağını düşünürlər. Eyni zamanda, Apple üç nanometrlik proses texnologiyasından istifadə etməklə yaradılmış prosessorlar əsasında əsas iPhone 18 modellərini saxlamağı və onların qiymətini artırmamağı planlaşdırır.
Yeni prosessorlar daha sürətli performans və təkmilləşdirilmiş enerji səmərəliliyi təmin etməlidir. Bununla belə, bəzi ekspertlər “A20 Pro”nun “Apple” ın hazırkı çiplərindən əhəmiyyətli dərəcədə fərqlənəcəyinə şübhə edirlər.
Fərdi kompüterlər və planşetlər, audiopleyerlər, smartfonlar, proqram təminatı və rəqəmsal məzmun daxil olmaqla innovativ məhsulları ilə tanınan Amerika korporasiyası mükəmməlliyə və innovasiyaya can ataraq məhsul xəttini inkişaf etdirməyə davam edir.
