COVID-19-un bütün ştammlarına qarşı universal peyvənd hazırlanır

Böyük Britaniyada hazırlanan universal peyvənd yeni növ koronavirus infeksiyasının bütün ştammlarına qarşı effektiv olacaq və bu il bazara çıxarılacaq. Bu barədə “Daily Telegraph” məlumat yayıb. İngiltərədə eyni anda alimlərdən ibarət iki qrup peyvəndlər üzərində işləyir. Yeni peyvənd nəticəsində bədənin immunitet sistemi SARS-CoV-2-nin mərkəzi hissəsindən olan zülalları tanıyacaq, vaksin daha uzun müddət təsirini itirməyəcək.