2021-ci ildə oyun sənayesi onlarla möhtəşəm relizlər buraxacğına söz verib. Söhbət Betmensiz yeni Betmendən, əfsanəvi skandinav saqası və hətta balaca pişik simulyatorindan gedir.
Sizə cari ilin ən səs gətirəcək 11 oyunun siyahısını təqdim edirik:
Gotham Knights
Əgər siz Rocksteady şirkətinin təqdim etdiyi əfsanəvi trilogiya ilə tanışsınızsa, nə edəcəyinizi artıq bilirsiniz: siz növbəti dəfə Qotem şəhərini şanlı etməlisiniz, veni, vidi, vici və sair. Əsas xüsusiyyət. Bu oyunda siz özünəməxsus döyüş tərzinə və silaha malik dörd personajdan biri ilə oynaya bilərsiniz.
Medium
“Horro” olduqca həcmli və tutumlu bir sözdür: əgər şuter, platformer və ya RPG deyəndə biz sadəcə janr nəzərdə tuturqsa, horror həmçinin, adətən heç kimə demədiyin hissləri və reaksiyanı əhatə edir.
“Bloober Team”i təmsil edən polşalı peşəkarlar hazırladığı “Medium” oyunu insanı süjet boyu qorxu və panika içində saxlayır. Əgər şirkətin öncəki oyunlarında əsas məqsəd sağ qalmaq, qaçmaq və arxaya baxmamaq tələb olunurdusa, “Medium”un əsas qəhrəmanı Marianna şər qüvvələrə cavab verə bilir.
Senua’s Saga: Hellblade II
“Hellblade”nin birinci hissəsi Orfey və Evridika haqqında əfsanənin skandinav adaptasiyası idi: pikt qəbiləsindən olan döyüşçü-qadın Senua ölülər dünyası Helheymə gedir. Senuanın torbasında sevgilisi Dillionun kəsilmiş başı var. Senua onu ölülər dünyasından geri qaytarmaq istəyir. Bədheybət və nəhənglrlə birgə Senuaya başındakı səslər mane olur. Süjet bunun ilahların lənəti və ya şizofreniya olduğunu açıqlamır.
God of War: Ragnarok
Kratos – ilaha çevrilib bütün Olimp panteonunu məhv edən spartalıdır. Qədim Yunanıstanda intiqamını alandan sonar o şimala köçür, saqqal uzadır, nəhəng qadınla ailə qurur və qılınclarını baltaya dəyişir. Bu hekayənin birinci hissəsində onun həyat yoldaşı Fey ölür, Kratos oğlu Atrey ilə birlikdə onun qalıqlarını müqəddəs dağa çatdırmalıdırlar. Sözsüz ki, bu asan yol deyil və onlar Yottunheym, Asqard, Niflheym, Svartalfhar, Alfheymr kimi boyutlara səyahət etməli olur.
GhostWire: Tokyo
Oyunun süjetinə əsasən Tokiyo əhalisinin 99%-i izsiz-tozsuz yox olur və onların yerinə şəhər müxtəlif sintoizm ruhları (oni) ilə dolur: başsız məktəbli qız, çətirli slendermen və başqa bədheybətlər.
Scorn
Dərisiz orqanik əzələlər, polad mexanizmlər tərəfindən hərəkətə gətirilən sümük və onurğalar. Divarlar, tavan və yer selik və vəzlərdən ibarətdir. Silah ətdən, güllələr kalsiumdandır. Bir sözlə, bu oyunu oynayarkən qida qəbul etmək məsləhət görülmür.
Atomic Hearts
Oyun bizi texnoloji üstünlük əldə etmiş 50-ci illərin Sovet İttifaqına aparır. Ölkədə artıq internet, robotlar və nanomexanizmlər icad edilib. Siz Pi-3 adlı KQB agentini oynayırsınız. Missiyanız əlaqədən kəsilən laboratoriyaya yol tapmaqdır. Bu macərada sizing düşməniniz robotlar və orqanik bədheybətlər olacaq.
Resident Evil: Village
Bu seriyanın hər bir yeni oyunu bayram kimidir. İndiyədək 26 hisssinin çıxmasına baxmayaraq oyun hələ də bezdirici deyil. Zombilərin qənimi olmaq istəyirisnizsə, bu oyunu qaçırmayın.
The Lord of Rings: Gollum
“Üzüklərin ağası” franşizasının məşhur anti-qəhrəmanı Qollumu hamımız yaxşı tanıyırıq. Bu il həmin personajı siz oyunda görə biləcəksiniz. Süjetə əsasən Qollum zəifdir və buna görə qaranlıqda gizlənərək ölümcül zərbə endirmək üçün səbrlə gözləyir.
Yeri gəlmişkən, oyunda iki süjet xətti var. Qollumun yaxşı əməlləri bir sonluğa, Smeaqolun bəd əməlləri isə tamam fərqli sonluğa aparır.
Horizon: Forbidden West
“Horizon”un ilk hissəsində ən yadda qalan iki şey dünyata matriarxatın bərqərar olması və dinozavrların (mexaniki olsalar belə) hökm sürməsidir. Min illər öncə dünyada texnogen fəlakət baş verir və süni intelektə malik olan robotlar bəşəriyyətin demək olar ki sonuna çıxır. Əsas qəhrəman olan Eloy adlı qız yeni dünyanın qarış-qarış axtararaq öz keçmişi ilə bağlı məlumatlar toplayır.
Maraqlıdır, görəsən ikinci hissə bizə nə bəxş edəcək?
Stray
Bu oyun öz qeyri-adiliyi ilə seçilir, çünki burada siz pişik balasını idarə edirisiniz. Kiber dünyada göz açan bu balaca dələdüz azır və robotlar dünyasında pişik ailəsinə qayıtmağa çalışır. Ürəyində mərhəmət olan hər bir kəs bu pişik balasına köməyini əsirgəməməlidir.
