Hollivud ulduzu Ben Afflek boşanma şayiələrinə cavab olaraq jurnalistlərlə danışarkən Cennifer Lopezi “arvadım” adlandırıb

Gent.az -ın xarici mediaya istinadən xəbərinə görə, qəzetlər bu sözü cütlüyün boşanması ilə bağlı yayılan şayiələrin təkzibi kimi qiymətləndiriblər.

Davamlı olaraq paparassilər tərəfindən izlənməkdən bezdiyini, diqqəti sevmədiyini deyən Afflek, buna görə fotolarda bədbəxt göründüyünü etiraf edib. 

“Ona görə də insanlar məni görüb soruşurlar ki, niyə həmişə əsəbi olursan? Çünki hamının kamerası var və daim hədəfdə olmaq zəhləmi tökür. Klubda və ya həyat yoldaşımla premyerada mənim şəklimi çəkməyinə etiraz etmirəm", - o deyib. 

May ayında Cennifer Lopez ABŞ-ın Los-Anceles şəhərində yeni filmi “Atlas”ın premyerasına Ben Affleksiz  qatılıb və bununla da onların ayrılması ilə bağlı şayiələr yayılıb.