Cəmi 10 dəqiqəyə öyrənə biləcəyiniz bu bacarıqlar illərlə əsəb, enerji və sağlamlıq itkisinin qarşısını alan sadə, amma faydalı üsullardır.

Gent.az xəbər verir ki, bir neçə dəqiqəyə toksik insanlara düzgün şəkildə “yox” deməyi, stressi ani azaltmağı və hətta ruletkasız ölçü götürməyi öyrənmək mümkündür.

1. Barmaqlarınızı mümkün qədər açın və baş barmağın kənarı ilə çeçələ barmağın əks kənarı arasındakı məsafəni ölçün. Bu rəqəmi yadda saxlayın. Beləliklə, lazım olanda ruletka və xətkeş olmadan əşyaların ölçüsünü təxmini hesablaya bilərsiniz.

2. Adi içməli su baş ağrılarının təxminən 30%-ni həqiqətən aradan qaldırır.

3. Başqa dildə “salam” və “təşəkkür edirəm” deməyi öyrənin.

1. Hətta 10 dəqiqədən də az vaxt aparır: kiminləsə söhbət və ya mübahisə edərkən ilk reaksiyanız bədəninizdəki hissləri izləmək, ilk hərəkətiniz isə burnunuzdan yavaş nəfəs almaq olsun. Bədəni “skan etmək” sizə “vur və ya qaç” reaksiyasını hiss etməyə və sakitləşmək üçün vaxt qazanmağa kömək edəcək. Dərin nəfəs isə sizi daha da sakitləşdirəcək və düşüncələrinizi daha sağlam vəziyyətə qaytaracaq.

1. Qıfıl açmağı öyrənin.

6. Sizi anlamamaq qərarına qəti şəkildə gəlmiş insanlara heç nə izah etməyin.

7. Anı yaşamağı bacarın. “Burada və indi”yə fokuslanın ki, həyatdan həzz ala biləsiniz.

8. Hər kəs əsasən öz dünyasına fokuslanıb. İnsanların çoxu sizin necə göründüyünüzə fikir vermir və sizin utancverici anlarınızı sizin qədər xatırlamır. Buna görə də özünüzü göstərməkdən, əlçatmaz görünən vakansiyalara müraciət etməkdən qorxmayın və xarici görünüşünüzdən razı olun.

1. Bəhanə gətirmədən düzgün şəkildə “yox” deməyi öyrənin. “Xeyr, edə bilmərəm” — bu artıq tam bir cümlədir. İmtinanızın səbəbləri barədə heç kimə 10 dəqiqəlik mühazirə oxumağa borclu deyilsiniz.

10. Kimsə ucadan axmaq bir fikir səsləndirdi deyə onu mütləq düzəltməyə borclu deyilsiniz. Sadəcə qoy yanılmağa davam etsin.