“Transform Hospital Group”u təmsil edən britaniyalı plastik cərrahlar xarici görünüşlərini dəyişdirmək istəyən qadınların məşhurların bədənin hansı hissələrinə üstünlük verdiyini deyib.

Məlum olub ki, ən ideal sinəyə model Rozi Hantinqton-Uaytli sahibdir, ən icə bel aktrisa Cenifer Enistondadır, mükəmməl yançaqların sahibi isə müğənni və aktyor Cenifer Lopesdir. Qadınlar həmçinin Quinet Peltrounun əllərinə, Viktoriya Bekhemin ayaqlarına, Emma Uotsonun topuqlarına və Skarlet Yohanssonun dabanlarına həsəd aparır.

Üzə gəldikdə isə, qadınların idealı – aparıcı Holli Uilloubinin qaşları, model Kara Delevinin almacıq sümükləri, kinoulduz Cennifer Lourensin burnu, müğənni Beyonsenin gözləri, Kameron Diasın çənəsi, Ancelina Colinin dodaqlaı, Enn Heteueyin qulaqları və Marqo Robbinin boynu, aktyor Lili Ceymsin saçlarıdır.

“Daily Mail” dərgisi mütəxəssislərin məlumatına əsaslanaraq bir obraz yaradıb. Lakin nəticə sosial şəbəkələr istifadəçilərini dəhşətə gətirib.

Onların əsas fikirləri belə olub: “Zombiyə oxşayır”, “Sanki Frankenşteynin əl işidir”, “Sağ olun, mənim həyta yoldaşım daha gözəldir”.