İspaniyada yay sərinliyini Aralıq dənizi xaricindəki şəhərlərdə axtarmaq lazımdır.

Gent.az xarici mətbuata istinadən xəbər verir ki, İspaniyada sərinləmək üçün 4 gizli yer var.

1. La Coruna

İspaniyanın tez-tez diqqətdən kənarda qalan Qalisiya bölgəsində, ölkənin ən şimal-qərb nöqtəsində yerləşir. La Coruna qorunub saxlanmış orta əsr şəhəri, dar piyada küçələri və Atlantik Okeanının mavi suları ilə tarixi bir limandır.

Burada turistlər qədim Roma mayakları olan Herkules qalasını, şəhərin ingilis işğalçılarından müdafiəsinə kömək edən cəsur qadının adını daşıyan Piazza Maria Pita və keçilməz San Anton qalasını kəşf edə bilərlər.

2. Santander

Kantabriya paytaxtı və İspaniyanın şimal sahilinin az tanınan yerlərindən biridir. Təmiz çimərlikləri, mədəni əhəmiyyəti və mülayim dəniz iqlimi var.

Şəhərin əsas cazibəsi, körfəzin ağzında gizlənmiş İspaniya kral ailəsinin keçmiş yay iqamətgahı olan Palacio de la Magdalenadır. 

Hava şəraitinə gəlincə, yay aylarında gün ərzində orta temperatur 20 dərəcə Selsi, gün batdıqdan sonra isə 13 dərəcə Selsi olur. Lakin yay istisinin pik dövründə burada temperatur 30 dərəcə Selsiyə çata bilər.

3. Gijon

Şimali İspaniyanın başqa bir muxtar bölgəsi olan Asturiyadakı ən böyük yaşayış məntəqəsi dəniz gücü ilə əsrlər boyu şöhrət qazanıb. Gijon həm Orta əsrlərdə, həm də daha sonra kəşflər dövründə İberiyanın ən mühüm ticarət mərkəzlərindən biri olub.

Hal-hazırda, təzə dəniz məhsulları və sərin iqlimi sayəsində yayda çox məşhur olan sakit bir sahil şəhəridir.

4. Donostia və ya San Sebastian

Biskay körfəzinin sakit ucunda yerləşən kiçik kurort şəhərciyi Donostia (və ya San Sebastian da bilinir) mənzərəli gəzinti yeri və uzun qumlu çimərliyi Playa de la Concha ilə İspaniyanın Bask ölkəsinin yay paytaxtıdır. Kristal təmiz sularla əhatə olunmuşdur.

Dəniz iqlimi və Aralıq dənizindən çox Atlantik sahilləri boyunca uzanan Bask Ölkəsinin şimalında yerləşməsi sayəsində Donostiada yay temperaturu adətən 18-26 dərəcə dəyişir. Burada nadir hallarda çox isti olur.