“BMW” “Mercedes”i geridə qoyub
2015-ci ildən bəri ilk dəfə “BMW” illik satılan premium avtomobillərin sayına görə “Mercedes”i ötüb.
Bu barədə şirkətin satış rəhbəri Piter Not” LinkedIn”də yazıb.
Gent.az xəbər verir ki, satış rəqəmlərinin yanvarın 12-ində açıqlanacağı bildirilir.
2021-ci ilin doqquz ayının nəticələrinə əsasən, “BMW” eyniadlı brend altında 1.7 milyon avtomobil satıb – “Mercedes”dən 112 min çox.
2021-ci ildə avtomobil istehsalçıları qlobal çip çatışmazlığı ilə qarşılaşıb. Nəticədə bir çox istehsal xətlərində fasilələr yaranıb. “BMW” bu problemdən rəqiblərinə nisbətən daha az əziyyət çəkib.
2021-ci ilin üçüncü rübündən sonra tədarük zənciri böhranın pik nöqtəsinin sona çatması ilə bağlı proqnozlar hələ də özünü doğrultmayıb. “Mercedes”in mətbuat xidməti ərəfəsində bildirilib ki, kəsir 2022-ci ilin birinci yarısında da hiss olunacaq.(banker.az)
