“Audi”dən daha bir yenilik - FOTO
Avto1 dəq oxu
“Audi”nin aktivində artıq iki elektrikli avtomobil var: “e-tron” krossover və “e-tron Sportback”. Gent.az xəbər verir ki, indi ailəyə daha bir “e-tron GT” idman sedanı əlavə edilib.
Yenilik demək olar ki, eyni adlı “konsept-car 2018”in surətinə bənzəyir. Avtomobilin yalnız xarici qapı dəstəklərinə əlavələr edilib, digər hissələrdə isə ciddi dəyişiklik yoxdur.
Elektrikli sedan “Audi”nin firma üslubunda və “Porsche Taycan”ın “J1” platformasında hazırlanıb. “Audi” iki versiyada təqdim edilib: “e-tron GT” və “RS e-tron GT”.
Hər iki model eyni cür elektrikli mühərriklə təchiz olunub və dörd təkərli sürücü ilə istifadə edilir. Avtomobil 0-dan 100-ə 4,1 saniyəyə sürət yığır, maksimal sürət isə 245 km/saatdır.
Yenilik öz ölkəsində 99800 avroya, RS isə 138 200 avroya təklif olunur.
Qeyd edək ki, elektromobilin istehsalına 2020-ci ilin dekabrında Almaniyada başlanılıb.
Namiq Musayev
