Gələcəyin klassiklərinə çevriləcək ən yaxşı 2020 model maşınlar
Son aylarda avtomobil biznesi COVİD-19 pandemiyasnın əlavə məhsulu olan yeni normanın öhdəsindən gələrək inqilab yaşayır. Xoşbəxtlikdən, yeni avtomobil satıcıları, tam onlayn alış-veriş və təmassız çatdırılma kimi tədbirləri daxil etmək üçün bədnam təlimatı yenidən yazaraq biznesdə qalmağı bacardılar.
Lakin eyni sözləri avtomobil kolleksiyası biznesi üçün deyə bilmərik. Əntiq maşın hərracları pandemiyanın başladığı mart ayından etibarən keçirilmədi, təxirə salındı, sonra isə kütləvi olaraq ləğv edildi, lakin bir çoxu təqvimdə qalsa da – hələ də ümidlə irəliləyir.
Eyni zamanda, çox da uzaq olmayan bir zamanda kolleksiya avtomobillərilə bağlı vəziyyətin yüksələn janr ulduzlarından fərqli olacağı gözlənilir.
İndi qazancında ən yüksək səviyyəyə çatan millennialların klassik avtomobil bazarında irəliləmələri və 1957 Chevrolet Bel-Air və 1970-ci illərin əzələli avtomobilləri üçün deyil, gənc yaşlarında can atdıqları modellər üçün böyük pul ödəmələri gözlənilir.
1990-cı və 2000-ci illərdəki Ford Mustangs, Chevrolet Camaros və Pontiac Firebirds kimi adi şübhəlilərə əlavə olaraq, Jeep Cherokee və Toyota FJ Cruiser kimi dövrün SUV-lərini, həmçinin Acura Integra, Honda S2000, Toyota Supra kimi əcnəbi idman avtomobillərini alacaqlar.
Klassik avtomobil sığorta şirkəti “Hagerty” gələcəkdə klassik avtomobilə çevrilmə ehtimalı yüksək olan 2020 model maşınların illik “qaynar siyahısını” dərc etdi.
“Hagerty”dən Jonathan Klinger deyir: “Qaynar siyahıda olan avtomobillər zamanla çox dəyər qazandıracaq tam performans və cazibə qarışığına malikdir, bunlar həm də insanların illər sonra sürmək istəyəcəkləri və insanların diqqətini cəlb edən avtomobillərdir”.
Bu yazımızda ilk beşliyi təqdim edirik:
“Ford Shelby Mustang GT500” ($74,095)
Bu avtomobilin əl istehsalı olan 5.2 litrlik 760 at gücünə sahib V8 mühərriki var, bu isə indiyədək fabrikdə istehsal olunan ən güclü “Ford” modelidir. Yalnız 5000 ədəd istehsal olunması maşının müstəsnalığını təmin edəcək.
“Chevrolet Corvette Stingray” ($59,995)
Uzun zamandır gözlənilən səkkizinci nəsil orta mühərrik “Vette” inanılmaz dərəcədə dinamik üslubu və 490 at gücünə sahib V8 mühərriki ilə seçilir. “United Auto Works”un “General Motors”a tətil elan etməsi və koronavirus pandemiyası ilə əlaqədar az sayda istehsal olunduğundan bu maşını əldən buraxmayın.
“Polestar 1” ($156,000)
Bu, “Hagerty”nin siyahısında olan ən rahat maşındır və gələcək kolleksiyaçılar üçün çox fərqli modeldir. “Polestar 1” yüksək performansa əsaslanan elektrikli modellərin birincisidir. İki elektrik mühərrikinə və 619 at gücünə sahib 2.0 litrlik turbo və superyükləyici, benzinli mühərrikə sahibdir. Bu avtomobildən sadəcə 1500 ədəd istehsal edilib və 450-si ABŞ üçün nəzərdə tutulub.
“Jeep Gladiator Rubicon” ($43,545)
Jeep'in Wrangler əsaslı yük maşınını geri qaytarmaq üçün niyə bu qədər vaxt sərf etdiyi hər kəsin təxminidir. Wrangler, yoldakı hər şeydən daha yaxşı öz dəyərlərinə sadiq qalır və bu çox güman ki, Gladiatorlarda, xüsusən də erkən quruluş modellərində orijinal vəziyyətindədir (Wrangler sahibləri onları əlavə yolsuzluq üçün dəyişdirməyə meyllidirlər). Nə olursa olsun, sonuncu Rubicon sıranın ən layiqli modelidir.
“Cadillac CT6-V” ($97,190)
“Caddy”nin CT6 sedanının idman üslublu versiyası model xətti dayandırıldığı üçün qısa müddət mövcud oldu. “CT6-V” indi və gələcəkdə şirkətin 4.2 litrlik 550 at gücündə cüt turbo mühərrikli “Blackwing” mühərrikini qablaşdıran yeganə “General Motors” avtomobili olacaq. Bu da onun faktiki olaraq həm avtomobil tarixində yerini, həm də gələcək illərdə az sayda tapılmasını qaranti edir.
Mənbə: Forbes jurnalı.
