Bazar ertəsi, iyunun 7-si “Amazon” şirkətinin yaradıcısı Ceff Bezos iyukun 20-si “New Shepard” kosmik gəmisi ilə fəzaya uçacağını bəyan edib. Qeyd edək ki, həmin gəmini “Blue Origin” şirkəti tikib.

Bezos bu sözləri öz “Instagram” səhifəsində yazıb:

“5 yaşımdan kosmosa uçmağı arzulamışam. İyulun 20-i qardaşımla birgə fəzaya uçuş edəcəyik. Ən yaxın dostum ilə ən möhtəşəm səyahət...”.

Qeyd edək ki, “New Shepard” gəmisi məxfi şəkildə son altı il ərzində tikilib.

Bu 18 metr uzunluğunda 6 kapsulalıq aparatdır. May ayında “Blue Origin” şirkəti bu yaxınlarda kosmosa ilk sərnişinlərini göndərəcəyini bəyan etmişdi.

Qeyd edək ki, uçuş 11 dəqiqə davam edəcək. Bu zaman ərzində “New Shepard” 100 kilometrlik hündürlüyə qalxaraq yerə eniş edəcək.

Bezos qardaşları ilə birgə kosmosa kimlərin gedəcəyi hələ ki məlum deyil. Şirkət bu kosmik səyahətləri mütəmadi etməyə hazırlaşır. Hələki biletin qiyməti açıqlanmır.

Şirkət artıq auksion keçirərək uçuş hüququ qazanacaq insanı axtarır. Bu günədək kosmosa uçuş müqabilində ən bahalı biletin qiyməti 2,8 milyon ABŞ dolları olub.

Ceff Bezosa gəldikdə isə onun var-dövləti 187 milyard ABŞ dolları təşkil edib.