Karantin səbəbindən mehmanxanada qalan qadın-turist sosial şəbəkələrdə çılpaq şəkillərini satmağa başlayıb
Brazilyadan Avstraliyaya gələn və karantin səbəbindən yerli mehmanxanaların birindən çıxa biməyən turist-qadın “OnlyFans” servisi vasitəsi ilə çılpaq şəkillərini satmağa başlayıb.
27-yaşlı Leyla Burtae Brisben şəhərinə hələ ötən ilin dekabrın sonunda gəlmişdi. Elə gəldiyi gündə qadın Grand Chancellor mehmanxanasında 14 günlük təcrid müddəti keçirməli olur. İki həftə keçəndən sonra Leylaya başqa mehmanxanada daha iki həftə qalmalı olacağını bildiriblər.
Pul qazanmaq üçün qadın alt paltarında və çılpaq vəziyyətdə şəkillər çəkdirərək sosial şəbəkələrdə paylaşmağa başlayıb.
“Yanvarın üçü, ilk karantin dönəmində “OnlyFans” servisində səhifə yaratdım. Bu təklifi mənə dostum verdi. Mən sevgilim Fabianla bu məsələni müzakirə etdim və o məni tam olaraq dəstəklədi”, - deyə braziliyalı qadın etiraf edib.
Məlumata əsasən, getdikcə məşhurluq qazanan Leylanın səhifəsi artıq servisin ən baxılan səhifələrinin arasında yer alır. Buna baxmayaraq turist-qadın ünsiyytə üçün darıxdığını və bağlı qapı arxasında qalmaqdan bezdiyini vurğulayıb.