Villasında qızıldan unitaz quraşdıran «QAİ» rəisi – Həbs edildi

Stavropol diyarının Dövlət yol hərəkəti təhlükəsizliyi üzrə inspeksiya idarəsinin rəisi Aleksey Safonov və idarənin 40-a yaxın əməkdaşı ötən günlərdə həbs edilib.

Gent.az xəbər verir ki, Safonov vəzifə səlahiyyətlərindən istifadə edərək xidməti yerində rüşvət almaq, cinayətkar qruplaşmanın təşkili, kriminal hadisələrdə iştirakına və qeyri-qanuni varlanması müddəaları ilə ittiham olunur.

Rəisin həbsindən dərhal sonra Telegramda onun dəbdəli, şah sarayına bənzər villası və villada qızılı hamam-tualeti əks olunan fotolar yayılıb.

Stavropolun deputatı bildirib ki, rəis diyarda mafiya qruplaşması yaradaraq, bu ərazidə yolların tranzitindən tutmuş adi quma kimi hər şeyi satır, rüşvət alır, biznes imperiyası qurmuşdu.

Rəisin qızılı işlənmiş villasında təkcə unitazın qiymətinin 7500 dollar olduğu bildirilir.