Müğənni Xatunun pulunu alıb təhdid etdilər

Müğənni Xatun Əliyeva dələduzluqla qarşılaşıb. 

Gent.az xəbər verir ki bu haqda müğənni öz sosial şəbəkə hesabında məlumat yayıb. O bildirib ki, onlayn səhifədən ev üçün əşyalar sifariş edib, pulu ödəsə də, əşyalar çatdırılmayıb:

"Biz də adi insanlar kimi bu səhifədən evə dekor sifariş etdik. Beh ödədik. Demək olar ki, məhsulun qiymətinin 50 faizini ödədik. İndi nə malı təhvil verirlər, nə də əlaqə yaradırlar. Ehtiyatlı olun, bu səhifə insanları aldadıb, pul alıb yoxa çıxır. Bu səhifədən heç nə sifariş etməyin".

Xatun daha sonra səhifədən ona yazılan təhdid mesajını yayımlayıb. Qarşı tərəf mesajda “İndi də sən məni seyr elə” yazıb.