Qatlanan iPhone belə olacaq

"Apple” korporasiyası elastik korpusa malik smartfonun üzərində işləyir.

Bu barədə ABŞ şirkətinin yeni patenti haqqında “PatentlyApple” nəşri məlumat verib.

Patentdə panorama görüntüsü əldə etmək üçün bir neçə kameradan istifadə haqqında məlumat verilir. Fotosensorlar elastik korpusa birləşdiriləcək ki, bu da sensorlar üçün müxtəlif baxış bucağını təmin edəcək. Sözügedən qurğu, həmçinin qatlanan ekrana malik olacaq.

“Apple”ın istehsalı olan ilk elastik smartfonun təqdimetmə tarixi açıqlanmır, sadəcə, patent bu texnologiyaya işarə edir. Çox güman ki yaxın gələcəkdə qatlanan “iPhone” cihazı təqdim ediləcək.