Ən güclü “Android” smartfonları hansılardır? – siyahı

Oktyabr ayının ən güclü smartfonu açıqlanıb. 

Bizim.Media xəbər verir ki, bu “Xiaomi Black Shark 4S Pro”dur.

“Android” əməliyyat sisteminə əsaslanan smartfonların sınaqlarının nəticələrinə görə, yeni cihaz bazardakı ən güclü smartfon olaraq müəyyənləşdirilib. 

Belə ki, “Snapdragon 888+” prosessoru ilə təchiz olunmuş “Xiaomi Black Shark 4S Pro” 16 GB-lik RAM və 512 GB-lik ROM-a malikdir. 

Reytinqin üst pillələrində ardıcıl olaraq “Nubia Red Magic 6S Pro” və “Vivo iQOO 8 Pro” cihazları qərarlaşıb.  

Qeyd edək ki, əvvəlki lider “Xiaomi Black Shark 4 Pro” 4-cü yerə enib.