ABŞ-ın kabel idman telekanalı “ESPN” basketbolun sabiq ulduzu və TV mütəxəssisi 43-yaşlı Pol Pirsi işdən azad edib.
Pirs yanlışlıqla “İnstaqram” səhifəsində striptizçilərlə birgə canlı yayım açaraq rəqs edib.
Canlı yayımın aparıldığı məkanda yarımçılpaq rəqqasələr kişilərə massaj ediblər.
Onlar kart oynayır, spirtli içki içir və siqaret çəkirdilər. Video qısa sürətdə sosial şəbəkələrdə yayılandan sonra telekanal təhlilçi və mütəxəssislə əməkdaşlığı sonlandırmaq qərarına gəldi.
Xatırladaq ki, 2008-ci ildə P.Pirs “Boston”un heyətində NBA çempionu olub. O, 10 dəfə NBA ulduzları görüşlərində iştirak edib. Pirs “Seltik” klubunun ən yaxşı nətcə göstərən ikinci basketbolçusudur. 2017-ci ildən o, “ESPN”də işləyir, fəal şəkildə basketbolla bağlı bütün verilişlərə cəlb edilirdi.
Pol Pirs evlidir, 3 uşağı var.