İşiniz çoxdursa, necə məşq etmək lazımdır?

İdmanla məşğul olmamağın bəhanələri siyahısı olsa idi birinci yerdə “İşim çoxdur” yazısı gedərdi.

Ola bilsin ki, həqiqətən də işiniz çox yorucudur, lakin gün ərzində qısa müddət “tərləmək” belə müsbət nəticə veir.

Sizə mütəxəssislərin hazırladığı müvafiq məşqlər siyahısını təqdim edirik:

10 dəqiqə

Məşq: yüksək-intensivli intervallı məşq

Adından göründüyü kimi bu intensiv hərəkətlərdən ibarət bir məşqdir. Bu zaman sizin bədəniniz yüksək sürətlə kalori yandıran sobaya dönüşür. Çox az vaxtı olanlar üçün ən ideal variantdır.

“Tabatu”nu yoxlayın. Yox, bu Meksika yeməyi deyil, məşq növüdür. 20 saniyə məşq, 10 saniyə istirahət edirsiniz. “Jim” və oturub-durmanı əvəz edərək səkkiz dəfə məşq etməlisiniz.

20 dəqiqə

Məşq: yoqa

Ola bilsin ki, milyon dəfə yoqanın nə qədər xeyirli olduğunu eşitmisiniz. O stresi aradan qaldırır, naratlığı azaldır və yorğun əzələləri sakitləşdirir. Yoqa ilə məşğul olan insanlarda əzələlər sürətlə inkişaf edir.

20 dəqiqə ərzində vinyasa-flou-yoqa ilə məşğul olun. “Aşağı baxan it”, “yuxarı baxan it” və çaturanqa pozlarından istifadə edin. Bu pozları tanımırsınızsa “Youtube”da baxa bilərsiniz. Düzgün məşq etdikdə əzələləriniz sağlam şəkildə inkişaf edəcək.

30 dəqiqə

Məşq: ağır atletika

Köhnə və bildiyimiz məşq növü. Ağır atletika sümükləri bərkidir, travamalardan qoruyur və əhvalı qaldırır.

Bu məşq zamanı bütün bədən işləməlidir. Oturub-durun, ştanqı başınızın üzərində qaldırın, qantellərlə işləyin. 30 dəqiqə ərzində bu məşqlərin kombinasiyası ürək ritminə müsbət təsir edir. Mütəxəssislər qeyd edir ki, hətta yüngül çəkilərlə işləmək əzələ yığmağa kömək edir. Əsas qeyd: Ağırlığı yavaş-yavaş qaldırmaq zəruridir.

40 dəqiqə

Məşq: pilates

Günümüzdə bir çox insan pilateslə məşğul olur. Ən mə.hur pilates növü isə “Reformer”dir (https://www.youtube.com/watch?v=le1iFVxW8eY ). Pilates zamanı hər dəfə hərəkət etdikdə əzələnizi və onun necə gərginləşdiyini hiss edəcəksiniz. Ağır çəki qaldırmaqdan fərqli olaraq pilatesin mahiyyəti əzələni uzun müddət gərgin vəziyyətdə saxlamaqdan ibarətdir. Əzələlər işləyir, nəbz artır – deməli 40 dəqiqə sizin üçün yetərli olacaq.

50 dəqiqə

Məşq: Fasiləli qaçış

İçinizdəki Useyn Boltu oyatmağın vaxtı gəldi. Mütəxəssislər qeyd edir ki, uzun müddət ərizndə sürətli sprintlər kalori yandırılmasına inanılmaz dərəcədə sürətləndirir. Dörd dənə 30 saniyəlik sprint 30-dəqiqəlik aerobika qədər kaolri yandırır.

50 dəqiqəlik fasiləli qaçışlar – təmiz 25 dəqiqəlik sprint anlamına gəlir. Arada 2 dəqiqə yerimə fasiləsi ilə 10 dəfə 400-metrlik sprint edin. Bir müddət keçdikdən sonra isə aralarında 1 dəqiqə fasilə etməklə 10 dənə 200 metrlik sprint. Bu cür 50 dəqiqəyə 5-10 kilometr qaçmaq olar.

60 dəqiqə

Məşq: Uzunməsafəli qaçış

Fiziki təzyiqlərə vaxt tapa bilən insanlar bu məşq növünü seçməlidir. Qaçış sizə uzun ömür bəxş etməklə psixiki durumunuza da müsbət təsir edir. Çəkiniz nə qədər çoxdursa bir saat ərzində o qədər çox arıqlayacaqsınız. İlk növbədə bədəninizin necə işlədiyini müəyyən edin.

Bundan sonra isə yavaş sürətlə qaçmağa başlayın. Bu təqdirdə siz özünüzə sağlam bədən və yüksək əhval-ruhiyyə təmin edəcəksiniz!